គួររលឹក
សួស្តីវរលក្ខណ៍អ្នកសិក្សា យើងជាតិខេមរាគ្រប់អង្គា
គួរតែរិះគិតគ្រប់វេលា ជាតិរងវេទនាជាយូរហើយ
។
ជាន់ចាស់ផុតទៅនៅជាន់ថ្មី ខ្មែរគ្រប់ប្រុសស្រីកុំកន្តើយ
ជាតិយើងត្រូវការដល់អ្នកហើយ ជួយឲ្យដល់ត្រើយភាពសេរី ។
ស្ថាបនាអក្សរវប្បធម៌ដូនតា អភិរក្សាប្រពៃណី
បណ្តុះអ្នកប្រាជ្ញគ្រប់វិស័យ ជូនមាតុភូមិថ្លៃផុតទុក្ខា
។
យើងត្រូវបង្កើតនូវពាក្យចោទ ធ្វើជាចំណោទរាល់អាត្មា
ខ្លួនយើងនេះឯងជានរណា? ហើយប្រឹងសិក្សាដើម្បីអ្វី
? ។
ភិក្ខុ សារបាលោ
យៀងវុឌ្ឍា
